كراكيب في دماغي "مش عارفة ايه الكلمة اللي المفروض اكتبها هنا"

عايزة أقول يعني ان ده بقية البوست القديم و كده. بس المرة دي عن الأفلام و المسرحيات العربي اللي بحبها و للنهارده لما بتيجي بقعد ادامها كأني بأشوفها لأول مرة.
الجريمة الضاحكة: فيلم تحفة…اصلا انا بموت في احمد مظهر، كان فتي أحلامي بعد الوسيم جدا جدا جدا رشدي اباظة…الفيلم نفسه مفيهوش حاجة جامدة…بس عبد المنعم ابراهيم و الكلب بتاعه كانوا بيضحكوني قوي.
الزوجة التلاتاشر: بحب الأغنية بتاعة شادية و هي بتصالح رشدي أباظة..مش عارفة أفتكرها دلوقتي خالص…بس الفيلم جميل قوي…و مفتكسة لعبة الحواديت قبل النوم دي…عجبتني الفكرة :))
أشاعة حب: كل ما أفتكر منظر عمر الشريف و هو بيرقص مع رجاء الجداوي…و بعدين رماها عالأرض…أفطس من الضحك..شفت منظر قريب من ده قوي في فرح اتنين صحابنا…عالطبيعة بقي…معرفناش نكمل الفرح اصلا.
أضواء المدينة: فيلم خزعبلي…”قال ايه شرابي مدلدل و فردة شعري بمكوة رجل”….و زعلانة قوي…ما هو الراجل عنده حق مغلطش يعني….و الفيلا كانت تحفة.
الأنس و الجن: فيلم رعب “من وجهة نظري”، كان ممكن يتعمل بطريقة مختلفة احسن و اظبط من كده..بس ده ميمنعش ان فكرته مختلفة و جديدة. بس اليوم اللي بشوفه فيه…مش بيجيلي نوم قبل ما ابص جوه الدواليب و تحت السرير :)) و يا سلام بقي لو حبيت اشرب و لا حاجه بعد البيت كله ما ينام…مشكلة تانية :)))
ايه تاني….أه…الفيلم بتاع “انا أتجوز ترتر”….هو أصلا بتاع عبد الحليم و صباح…بس انا بشوفه عشان عبد السلام النابلسي و وسادة زينات صدقي الخالية :)))
هنادي راحت في الوبا…المعروف بدعاء الكروان…القصة أحلي من الفيلم ميت مرة…مبحبش أشوفه يعني…هو و جواز عتريس من فوءادة باطل….و انا صغيرة كنت بخاف من يحيي شاهين…بجد كان شكله بيخوفني قوي!!!
ماليش قوي في اسماعيل ياسين…مش بيضحكني…مع أن بابا بيحبه قوي بس عموما مطرب بابايا المفضل هو عبد المطلب؟!!!!!!!!حاولت استوعب القصة دي قبل كده…بس طلعت صعبة شوية…او بمعني اصح مستحيلة الفهم..
مسرحية ريا و سكينة: أول مرة شفتها كان في مسرح السلام في الأسكندرية…كنا صغيرين..و بعد ما رجعنا البيت جدة ماما الله يرحمها “كانت ساعتها موجودة…عيلة ماما معمرة ماشاء الله” قعدت تحكي لنا عن ريا و سكينة الحقيقيين لأنها كانت موجودة في الأسكندرية أيامهم…و بس كده…كانت ليلة مش أي كلام…عمالة ابص علي النجفة وهي بتتحرك و انا نايمة في السرير…و متخيلة ان ريا و سكينة هيفتحوا الباب و “كبدي عليها” تشتغل.
العيال كبرت: “الأستاذ….الأستاذ رمضان ابو صرة…ابو صرة…رمضان السكري…يا سيدي اهو كله برتقال” لو جاية في التليفزيون المصري قلتها أحسن….بس لو في قناة فضائية بجد جميلة…مش عارفة ليه شايلين منها كتير مع ان مفيهاش حاجة عيب خالص….مش بزهق منها.
ماليش في مدرسة المشاغبين قوي…بس بحب عادل امام و هو بيوصف صاحبته وهي بتشرب الشوربة :))
أفتكرت…اغنية شادية في الفيلم بتقول “و حياة عينيك و فداها عنية…انا بحبك قد عنية…لأ قد روحي…لأ لأ شوية…طب قد عمري”…..و كده.
Advertisements
Published in: Uncategorized on September 12, 2005 at 11:56 am  Comments (6)  

The URI to TrackBack this entry is: https://nerro.wordpress.com/2005/09/12/%d9%83%d8%b1%d8%a7%d9%83%d9%8a%d8%a8-%d9%81%d9%8a-%d8%af%d9%85%d8%a7%d8%ba%d9%8a-%d9%85%d8%b4-%d8%b9%d8%a7%d8%b1%d9%81%d8%a9-%d8%a7%d9%8a%d9%87-%d8%a7%d9%84%d9%83%d9%84%d9%85%d8%a9-%d8%a7%d9%84/trackback/

RSS feed for comments on this post.

6 CommentsLeave a comment

  1. فاتك بأه فيلم يجنن – لصوص لكن ظرفاء بتاع أحمد مظهر وعادل إمام لما كانو بيسرقوا شقه يوسف فخر الدين وطول الفيلم حامد – أحمد مظهر – يقوله كل شيئ مدروس
    بلدى طنطا … واحب أعيش أونطه .. كل شيئ مدروس

  2. ازاي نسيت الفيلم ده!!! ده تحفة

  3. أحبّ فيلم الزّوجة الثالثة عشرة كثيراً، وشادية كلّها على بعضها تعجبني.
    كنت قد تذكّرته قبل يومين، في الجملة التي تقول له فيها: “شعرك يا حبيبي، شعرك!” أو على ما أذكر يعني.
    وأكيد طبعاً المشهد الذي تغريه إلى أن تسدّد له في النّهاية الصّفعة الشّهيرة. إنّه يصوّر كم يشبه الرّجال الأطفال فعلاً 🙂

  4. ما هو القلم ده كان بعد الأغنية علي طول….عندك حق :))

  5. im very proud of u

  6. كل دى حاجات جامدة وانا بحبها اوى بجد


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: