يوم جديد في كوكب النرنورة

من كام شهر كده….دخل كائن جديد علي كوكب النرانر….حبوه سكان الكوكب….دخلوه حياتهم و أعتبروه واحد منهم….بعد قضاء شهور عديدة في الكوكب..بدأ الكائن يظهر علي حقيقته…قعد في الكوكب و ريح..لا شغلة و لا مشغلة غير العكننة علي السكان…طب و بعدين؟؟ الشعب استغاث بالملكة…اللي كانت حاطة الكائن ده علي دماغها من فوق…واللي كان يقولها حاجة عليه..تهديه شوية..علشان تمشي أمورها…بس هي كانت عارفة المشاكل اللي هو بيعملها…بس مش عايزة تعترف بيها….أو مش قادرة..لأنها لو واجهته هيمشي من الكوكب…و دي طبعا أخر حاجة هي عايزاها.
عدي الوقت…و الشعب مش قادر يستحمل….و الملكة ابتدي صبرها ينفد…طيب تعمل ايه؟؟ اصلها مش عايزة تبوظ الدنيا برضه عشان ما هي اكيد هتشوفه بعد كدة!! اقنعته ان في كوكب جنبهم مليان بنات تحفة هيهيص…اصل بنات كوكب النرنر برضه مش اي كلام…بس هو ليه في البلوندات…و احنا كوكبنا خمري علي بينك كدة شوية🙂 المهم مرضيش يمشي برضه….قال انه هيبقي بين الكوكبين…يييييي!!! مافيش فايدة؟؟؟ طب ايه الملكة برضه…مش قادرة تقوله حاجة!!! المهم غرور الكائن استفحل….و عك في الملكة شويتين…نسي انها برضه استضافته عندها لما مكانش حد طايقه اصلا….زعلت…بس فاقت…كان لازم يحصل كده.
أخدت الويك اند كله تفكير…و من ثم….صدر القرار.
كان في مراحل تجريبية قبل كده…او كلام علي ورق زي ما بيقولوا…بس بما اني انا ملكة بقي…فأصدرت فرمان…وكل النرانير هيمشوا عليه :))….ما هو انا بعمل كده علشان خاطرهم…في قرارت صعبة بتاخد وقت في التنفيذ…بس نتيجتها بتبقي مضمونة
سكان الكوكب النهارده مزقططين و فرحانين….ممكن يكونوا مفتقدين الزائر اللي احتل قلبهم و عقلهم وقت طويل…بس اتأكدوا انهم مينفعش يبقي معاهم علي طول
*يا قصص من بالك شيلينا
وبقلب الحاضرخلينا
شو بدك بزمان الماضي
نحنا ما خلقنا لماضينا
* ده النشيد الوطني للكوكب بتاعي “يا قصص – جوليا بطرس”
Published in: Uncategorized on March 19, 2006 at 9:31 am  Comments (7)  

The URI to TrackBack this entry is: https://nerro.wordpress.com/2006/03/19/%d9%8a%d9%88%d9%85-%d8%ac%d8%af%d9%8a%d8%af-%d9%81%d9%8a-%d9%83%d9%88%d9%83%d8%a8-%d8%a7%d9%84%d9%86%d8%b1%d9%86%d9%88%d8%b1%d8%a9/trackback/

RSS feed for comments on this post.

7 CommentsLeave a comment

  1. بصفتى من الشعب الكادح على كوكب النرنر أحب أقول للملكة ان قرارها كان صح المرة دى. المواطن الجديد كان عامل مشاكل و خلاص.
    :)) بالمناسبة دى فى أكل ؟؟؟

  2. lollll!

    Falya7ia kokab narrnarr!

  3. Nesrina: yep…french fries, topped with mozarilla cheese and Mushrooms. that’s all we have😉

    SM: :)) long live Sandmonkey.

  4. بتحصل فى احسن العائلات بس الخوف مش من اللى بيعملوا مشاكل عشان دول بيتفقسوا اوام اوام الخوف كله من المواطنين السهنات اللى مابيبانش عليهم الا بعد ما بيوصلوا لكرسى العرش ويخلعوا الملكه

  5. لأ دول ربنا يستر علينا منهم بقي…

  6. يا ريت لو تكمليها وتخليها “سلسلة” من القصص عن كوكب النرانر وكده يا نيرو، والا ايه متأهيلي رحلة اسكندرية لازم تكون شحنتك فنيا؟

  7. مش عارفة يا علاء و الله كنت بفكر في حكاية سلسلة كوكب النرانر دي..بس خايفة تقيدني…اما اسكندرية بقي :)) حدوتة كبيرة تانية :))


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: