هواجسي الصغيرة


المطرة مغرقة الشوارع..و انا مستمتعة بأخر ايام الشتوية…باكل الأيس كريم بتاعي باستمتاع..بالرغم انه مش الأنواع اللي بحبها…بس بما اني مستمتعة بالحالة…فالطعم مش هيفرق كتير…بمشي في شوارع بحبها…مبلولة شعري…و وشي…و هدومي….بمعني اصح غرقانة…بس برضه…الأحساس بأني تحت الدوش بلبسي..مش مضايقني. طعم الأيس كريم بحبات المطر لذيذ….و ريحته حلوة قوي…أكتشفت بعد شوية انها مش ريحة الأيس كريم…دي ريحة المطرة..بحب صوتها و ريحتها….

فجأة افتكرت ان ممكن عصفورة معدية تو قع حاجة كده ولا كده…و طبعا التراب اللي عالشجر ده كله نازل علي الأيس كريم….احاول التغلب علي هواجسي…و اكمل المسيرة…يييي…التكيفات دي كلها تلاقيها كان عليها تراب لبكرة الصبح!!!!..طب ادخل العربية…و اقعد اتفرج من جوة.

العربية دافية و ريحتها جمبلة…فراولة او تفاح مش متأكدة…بس فواكه…شغلت الراديو عشان اسمع أغنية مش متوقعاها…أكمل الأيس كريم بعد اقناع نفسي ان المطرة مية نضيفة…استسلم لطعم البندق و النوتيلا في فمي…صوت الرعد مخيف…عليت صوت الراديو عشان يغطي عليه…البرق متواصل….في ثانية بحس ان احنا بقينا بكرة الصبح……اتخيل لو ان البرق ده وقف في النص و نور الدنيا كده..و كهرب مصر الجديدة كلها!!!هاجس جديد يبدأ مع انتهائي من الأيس كريم.

“العنوان مستوحي من علاء الدين التنين
Published in: Uncategorized on April 1, 2006 at 12:38 am  Comments (7)  

The URI to TrackBack this entry is: https://nerro.wordpress.com/2006/04/01/%d9%87%d9%88%d8%a7%d8%ac%d8%b3%d9%8a-%d8%a7%d9%84%d8%b5%d8%ba%d9%8a%d8%b1%d8%a9/trackback/

RSS feed for comments on this post.

7 CommentsLeave a comment

  1. فكرتينى بالمطرة من يومين وانا لبسه خفيف والبلوزة البيضا بقت سودا من الطينة والبنطلون اتغرق ميه وطينة بس كنت مستمتعه رغم كل ده ومستمتعه اكتر بكم المعارض اللى دخلتها من بيكاسو للزماك لقاعة المغربي وكله كان بيعرض لوحات بالصدفة كانت حلوه ..بس كان نفسى اكل ايس كريم

  2. Keda bardo te3meleha men ghieri?🙂
    I luv this

  3. It’s amazing.. Today as well, I was in the car, when suddenly I found myself under the shower😀.. it was amazing.. felt that everything is washed, the trees, the plants, the flowers, felt as if they are happy with that rain.. they looked refreshed and beautiful🙂

  4. إيه الغنوة اللى طلعتلك من الراديو؟ علشان دى مهمة علشان المشهد يكمل

  5. Ice cream in April! Bet it should ‘exclusively’ be in ‘December’, walla eih?

  6. رضوي: الله :)) تحفة…بس كنتي تعوضي الأيس كريم المرة دي.

    ايمان:و الله انا بس عارفة انك مشغولة…كانت تبقي حلوة قوي..

    مون:تخفة طبعا…ماليش نفس للصيف السنة دي😦

    واحد من مصر: مش فاكرة..بس كان في أغاني حلوة قوي… محتجتش اشغل فيروز..

    علاء: طب ما هو مكانش في مطرة في ديسمبر!!!!

  7. مرة تانية بيثبت انه ملهم.. و عبقري.. و فظيع.. و هايل.. و ما حصلش.. و حاليا دبودبة التخينة!
    بجد بحب الجو ده جدا.. انا كائن شتوي بامتياز
    🙂


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: