الورد اللي دبل في ميادين مصر

مشكلتنا ان احنا بننسي، بننسي بسرعة قوي. مشغولين في دستور اولا لأ ثانيا، الأخوان يع…الليبراليين ييييااااي. نسينا ان من غير الناس اللي راحت وفتحت الطريق مكنناش هنبقي قاعدين وعمالين نتخانق مع بعض دلوقتي علي مين احسن من مين.

نسينا ان علينا واجب مش هقول جميل لازم يترد..لأ ده واجب. غير انه للشهيد اللي ضحي بحياته، لأهله اللي كل يوم بيفتحوا عينهم وميلاقوهوش حواليهم.

عملنلهم ايه، ماديا مطلبوش حاجة مع ان اكترهم حالتهم المادية في منتهي السؤ، المعاشات لسة مبتتصرفش، وفي احيان كتيرة مفيش مصدر دخل.

الرعاية الانسانية: كام واحد رفع سماعة التيلفون اوحتي فكر يروح يزور عيلة شهيد. حد فكر هنعملهم ايه في رمضان لما ييجي عليهم، وهم ناقصين واحد؟ فكرتوا ان العيد جاي وفي اطفال ابهاتم مش هيخدوهم ويخرجوا عشان ببساطة قاموا في يوم من النوم حالفين انهم مش هيناموا الا اما البلد دي تقوملها قومة.

مش هتكلهم علي الرعاية الصحية عشان دي كارثة تانية.

كل ده حاجة، و التأجيل واخلاء سبيل المتهمين والضغط علي اهالي الشهداء عشان يغييروا شهادتهم حاجة تانية خالص. مفيش حاجة حصلت في السر، الأخبار كانت منشورة في الجرايد، الأهالي استغاثت وقالت الحقونا، بيهددونا …اعملوا حاجة عشان دم ولادنا ميروحش هدر.

عملنا ايه؟ عملنا تويت ندوة عشان نتعرف علي تاريخ الحركة النضالية للمدونين، عملنا مؤتمرات اتكلمنا فيها عن انجازات الثورة، روحنا عروض لطيفة اتكلمت علي الثورة…كل ده حلو ومهم ولازم يحصل، بس بعد او علي الأقل بالتوازي مع الوصول لحل لوقف المهزلة دي!!!

اللي انا عايزة اقوله ان احنا كلنا مقصرين ومحتاجين ناخد موقف. اهالي الشهدا اللي غيروا شهادتهم كان غصب عنهم، كانوا مضطرين، واحد مات مش لازم الباقي يحصلوه!!

اهالي الشهدا حاسسين بمرارة رهيبة من التجاهل، حاسسين انهم اتباعوا. ملاقوش مساندة او اي نوع من التضامن لضمان محاكمات عادلة. الناس دي في الأول كانت فخورة بولادها، وكانوا فرحانين وبيقولوا فدي مصر واهلها

بلاش نسيبهم ونضيع بنفسنا فرحتهم وفرحتنا بيهم…لازم نعمل مجموعة من الحقوقيين والمهتمين بالموضوع، ناس تتابع الحالات والقضايا، تحضر المحاكمات وتكتب، وتفضح اي محاولة لتغير الشهادات. لو الحق ده ضاع يبقي الثورة دي بصراحة معملتش حاجة.

 

روابط:

http://www.almogaz.com/news/144705

http://www.shorouknews.com/contentdata.aspx?id=479350

http://www.elbetelkbeer.com/index.php?option=com_content&view=article&id=10348:——–q14-q&catid=44:2011-04-27-20-28-29&Itemid=67

http://www.egynews.net/wps/portal/news?params=128410

 

 

http://www.almogaz.com/news/156542

 

http://elbadil.net/%D8%AA%D9%87%D8%AF%D9%8A%D8%AF%D8%A7%D8%AA-%D9%88%D9%85%D8%B3%D8%A7%D9%88%D9%85%D8%A7%D8%AA-%D9%84%D8%A3%D9%87%D8%A7%D9%84%D9%8A-%D8%B4%D9%87%D8%AF%D8%A7%D8%A1-%D8%A7%D9%84%D8%A5%D8%B3%D9%83%D9%86/

 

http://elbadil.net/%d8%a3%d9%87%d8%a7%d9%84%d9%8a-%d8%b4%d9%87%d8%af%d8%a7%d8%a1-%d8%a7%d9%84%d8%ac%d9%8a%d8%b2%d8%a9-%d9%8a%d8%b9%d8%aa%d8%b5%d9%85%d9%88%d9%86-%d8%a3%d9%85%d8%a7%d9%85-%d9%85%d8%a7%d8%b3%d8%a8%d9%8a/

 

Advertisements
Published in: on June 22, 2011 at 11:02 am  Comments (3)  

The URI to TrackBack this entry is: https://nerro.wordpress.com/2011/06/22/%d8%a7%d9%84%d9%88%d8%b1%d8%af-%d8%a7%d9%84%d9%84%d9%8a-%d8%af%d8%a8%d9%84-%d9%81%d9%8a-%d9%85%d9%8a%d8%a7%d8%af%d9%8a%d9%86-%d9%85%d8%b5%d8%b1/trackback/

RSS feed for comments on this post.

3 CommentsLeave a comment

  1. ده مصيبة مقصودة يا نرمين! تجاهل أهالي الشهداء وتجاهل الجرحى جزء من إشعار الشعب انه ما عملش حاجة وبعت ولاده الشارع يموتوا ع الفاضي.. يقوموا الناس دي ما يعملوهاش تاني ومايسيبوش عيالهم يضحوا عشان البلد.ز لإن البلد ما تستاهلش وماجابتش حق اخواتهم.

    ومش بس نسيان أهالي الشهداء.. خروج الضباط المتهمين بقتلهم في اسكندرية وترقية بعش الضباط المتهمين بالقتل في باقي أنحاء مصر. دول كإنهم بيكرموا الضباط اللي قتلوا الشهداء.

    ولسه خبر قطع صور الشهداء ونزعها من على الجدران في الشرقية. حاجة تقرف!

  2. انا بدأـت اصدق ان فى حد عايز يلهينا فى اى حاجة
    كاميايا .عبير امبابة. دستور .احزاب. رغى وفاق قومى و حوار وطنى
    انما مافيش حاجة على ارض الواقع تدل ان الثورة عملت حاجة
    مش عارف احنا اللى متسربعين و مش طايقين نفسنا و عايزين التغير بسرعة
    ولا هوا الصح ان الامور لازم تتاخد بحزر و دقة و مللللللللللللللللللللل
    بجد والله العظيم مش عارف
    لا عارف البلد رايحة فين ولا احنا رايحين فينا
    ولا ….ولا حتى عرف هاعمل ايه فى
    امتحان الاقتصاد المنيل بتاع بكره واللى هاصحى عشانه من 5.30
    رنا يستر على البلد و علينا و على الاقتصاد يا رب

  3. عندك حق فعلا,,,الواحد كان من اشد المتحمسين ايام الثوره دلوقت حاسس بحاله من الاحباط او اللامبالاه على الاقل,, احنا فعلا لازم نعمل حاجه قبل فوات الاوان ,, بس المشكله نبتدى منين وازاى ؟


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: