*ولسة جوا القلب غصة..

مع  كل نكتة، أو خبر حلو أو سجدة بتتمني انها تتمحي ويرجع قلبك بيضحك من جوة. الضحكة اللي في اخرها وجع بطن مش وجع زور مخنوق ودموع محبوسة.  مبقيناش بنعرف نضحك من جوة. كل واحد فيه اللي مكفيه، وكلنا بنلف وندور ونتحايل عالدنيا تضحك لنا –ضحكة حلوة مش صفرا- هي كمان. 

العنوان مقتبس من ديدو

جريمة علي كوبري ستة أكتوبر

في جريمة قتل عمد بتحصل كل يوم وكل ساعة. من كام شهر بدأت عمليات اصلاح وصيانة أعلي كوبري ستة أكتوبر. بعد ما خلصت المرحلة الأولي، ابتدت مرحلة تانية من العك الرهيب..منتهي العشوائية وعدم المهنية.

الفواصل الأسمنية بين الاتجاهين مش موجودة اصلاً أعلي منطقة رمسيس .
من كام اسبوع كان في عربية بتتحرق علي الكوبري وكان الاتجاه ده مقفول طبعاً…فعزيزي سائق المركبة قرر انه لازم يمشي ويتفادي الزحمة..وبما انه مفيش فواصل بين الاتجاهات فسو وااات..نمشي في الاتجاه المعاكس..وبدل ما تبقي عربية واحدة مولعة نزود عربيتين تلاتة داخلين في بعض!!!

الجميل انه في الاماكن اللي لسة فيها فواصل..يا اما بتبقي حبال متصلة بعواميد حديد صغيرة او شكارة اسمنت..او حجارة مكسرة.

السيد الاستشاري المسئول عن صيانة كوبري أكتوبر انت لازم تتحاكم علي اسوأ مقاولة اتعملت في التاريخ غالباً…وطبعاً لو حد اتأذي أو مات ذنبه في رقبتك…عبوكو يا أخي